【林鄭化妝師】Gary Chung坐私人飛機寸抗爭者:那渣嘢逼爆機場都冇影響

274

曾於17年在特首競選活動期間幫林鄭月娥化妝的徐子淇御用化妝師Gary Chung日前在facebook大晒銀行存款一千萬,嘲諷參加「8.16香港曬錢日」逆權運動的人士是傻仔,之後更與網民掀罵戰,指示威者是「曱甴」,而其後亦有網民出帖文,呼籲曾與他合作的品牌停止跟他合作。

Gary Chung繼晒完錢後,昨晚又出帖文晒自己坐私人飛機,他放了一條短片,影了在香港私人飛機場上機、在私人飛機廂內的相片,並寫上:「好彩我做job D(啲)客係比我坐私人飛機,就算撞到那渣嘢逼爆機場都冇影响(響),因為那渣嘢係入唔到私人飛機場架!」,繼續他的寸咀霸氣風格,之後,再hashtag了「#L先生都係坐平民飛機仲要比其它乘客影佢肥美睡姿」及「#有傻仔以為拎住馬會投注卡就可以入閘」

上次晒錢時,就有不少網民在他facebook留言罵戰,之後他曾將facebook設定設去friends only,現在又改回公開,而離奇地今次「晒人哋私人飛機」就沒有火藥味,只得一面倒的給Like聲音,更與友人分享他坐私人飛機的經驗,他說:「唯一唔好玩地方就係冇 surprise, 因為早幾日已經要揀空姐,食物,雜誌,電影同小食。所以冇得睇最新電影,冇兒時期待飛機餐有乜食嗰隻feel. 仲有幾億隻飛機個厠所細過劏房個迷你厠, 我企直頂頭,轉彎都轉唔到。」而莊思敏亦有留言:「可唔可以帶我去做助手,見識下」。

此外,Gary Chung似乎好滿意自己晒存款成為新聞人物,更截圖了傳媒的報導,指自己上了大陸的全國新聞,他留言:「原來我前日喺國內上咗全國新聞!琴日收到好多各省市朋友嘅支持,好感動喔!」,再hashtag了「#唔怕壞人滅我聲」、「#支持法治」、「#反攬炒」及「#十四億人民支持撥亂反正」,趁機表達愛國之心。

不過,昨晚就有美容公司發出聲明,指Gary Chung的言論令到公眾不滿,已中止與Gary Chung的一切合作關係。

(資料來源:網上截圖/連結)