【有片】【世紀辯論】陳百祥支持成立獨立調查 杜汶澤稱撐警開槍滅絕人性

223

一個愛認叻、一個不平則鳴,就係講緊港台節目《香港電台視點31》邀請撐警的荷蘭叻和反送中的杜汶澤上節目舌戰,這場黃藍對決,成為全城焦點!賽前有網民惡搞賠率,更預測阿澤必勝,而《頭條新聞》主持人之一「小豪子」曾志豪覺得荷蘭叻睇高一線,因為他擁有丁蟹式的精神勝利法,他和警察一樣,永遠不會錯,總是有解釋。

17:20 完結世紀辯論,阿叻跟阿澤說:「如果你話冇得傾,冇大台就惡晒,呢樣嘢係唔啱。」

17:15 阿澤認為委任證是表示警員身份,存在意義係識別佢係警員,但而家冇人戴委任證出嚟咁滯,佢又蒙咗面,完全唔知佢係邊個,先唔好講肢體暴力,見到差人喺街挑釁市民。阿叻即反駁係市民挑釁差人,阿澤嘲他只睇TVB。

17:12 阿叻認為社會平靜之後,就可以調查,點解要畀你睇委任證,而家科技封樣都睇到人。阿澤反問委任證要嚟做乜?阿叻:「警察執行任務咁危險,點畀你睇,槍都抆唔到,我覺得冇問題,佢哋係差人,做嘢執法,七警都冇兩個無罪釋放,等於唔知係咪記者一樣,點解警察企喺中間阻住捉人。」

17:07 再談到獨立調查,阿叻指等到事件平息後,便可以有獨立調查,更要查清楚整件事情:「例如點解要打學生,喔,原來係暴徒。」阿澤有聲沒氣地說:「查埋美國有冇出錢啦。」阿叻:「呢啲唔使查啦,唔係邊有資源呀?你依家都想淨係查警察啫。」

17:05 阿叻指年輕人讀書,要尊師重道,但要脅校長支持暴力,是不可以的:「要脅校長罪名好輕,應該都係記大過。間間學校都係應該咁,唔使禁錮幾個鐘。」

17:05 談到721元朗的事件,阿澤又指當然有差人到場,還見到差人面對白衣人打人,不但沒有開鎗,更調頭離開。阿叻便指對方有攻擊性武器,調頭也很正常,更指看到的不是無差別襲擊,而是看毆鬥、互毆。阿叻即指:「我唔係咁睇,我亂咁講嘢,人要獨立思維,我講咗撐警,佢哋做咗磨心,唔可以唔行去前線,放火乜都齊,地鐵打爛晒,佢哋求乜嘢?」

17:00 再談開真槍的事件,陳百祥指當然支持,因為在生命垂危之下開,更指大家崇拜美國,有露宿者都係被5個警察開槍。阿澤便指:「美國係可以買槍,美國係民選國家,香港就行緊緊急法,冇民選政府。因為係民選係可以推佢落台。同你拗係冇意思,我睇到個靚仔係拎住膠通,支持開槍絕對係滅絕人性,點解香港人咁憎陳百祥,就係因為咁。」阿叻:「大聲唔代表啱。(杜望鏡頭無奈)」

16:53 講到美心集團伍淑清說放棄年青人,阿澤直指伍淑清不太了解「放棄」兩個字的意思,因為沒有擁有過又如何放棄,阿叻說:「我唔識伍小姐,可能言詞修飾,佢對年輕人絕望,我都覺得年輕人悲哀,香港係我哋屋企,自由度高過美國、歐洲,如果佢哋知道自己爭取乜就好,但我睇唔到。」

16:50 主持人再談到藝人不被續約,遇上白色恐怖。阿澤指解約是沒有辧法:「解約?冇辧法,市場喺佢度,唔歡迎你去賣唱賣藝冇可厚非。」阿叻直言:「我唔係咁睇,我亂咁講嘢,人要獨立思維,我講咗撐警,佢哋做咗禍心,唔可以唔行去前線,放火乜都齊,地鐵打爛晒,佢哋求乜嘢?」阿澤反駁:「佢哋有獨立思考能力!」

16:49 說起護旗手,阿叻說:「點會做護旗手就有嘢撈。」阿澤指阿叻好似在元朗被人打鑊,阿叻接着說:「嗰個係尊貴議員,唔係我,我從來冇做護旗手,保護國家天經地道,成龍咪做護手囉。」阿澤接着說:「冇料嘅人就要去乞錢(做護旗手),為咗經濟收入嗰啲人就有問題。好多因素,有啲真心,有啲大陸做嘢需要咁做,非黑即白,唔支持反對。」阿叻指成龍都做護旗手:「佢唔使去乞錢。」

16:45 阿叻指:「我看到是證據,畫面就是證據。」他反問阿澤:「有封殺咩?有冇人白紙黑字封殺你?你話有就有,我唔知,我一直冇喺大陸搵食。」阿叻堅稱看不到有人被封殺:「因為我唔係主力喺大陸做嘢,我睇唔到封殺,14年之後冇返去。」阿澤笑言欣賞阿叻真心撐警,因為阿叻並非靠大陸賺錢:「所以好尊敬你!」

16:43 阿澤指再有盲目支持警察,「為咗唔打爛個香港,就唔追究警察濫捕」,永遠覺得藍絲最可怕,因為他們不知情,不理民調,但他們仍會一直去相信,阿叻反問:「香港話要解散差佬,咁點,你永遠將黑白調轉,將前後調轉,呢個係你思維。」但阿叻便指不相信民調,更指難道他會相信戴耀庭?阿澤即沒氣指:「仲講戴耀庭?」

16:40 阿叻再說我看不到警方如何暴力,如果他沒有用汽油彈,這是暴徒挑起,警察只是「以暴制暴」,他們返工為何出來打你,阿澤稱這是治亂世用重典。

16:38 阿叻覺得是教育擺佈年青人,因為年青人沒讀歷史,對國家、國語沒有很深入的認識,所以他認為年青人是受人擺平。阿澤問是否讀歷史就可以任人擺佈,讀歷史就可以受到極權統治,更指:「個重點唔關歷史事,係咪認識咗個歷史就唔會被個暴政打壓,五大訴求好清楚,差人越嚟越暴力,七成人都唔信差人,你就支持差人!」阿叻又指:「我睇唔到差人點樣暴力,如果後生仔唔攻擊差人,差人又點會用暴力。因為畫面睇到,啲暴力係由呢邊開始先,差人係以暴制暴,你冇呢件事,啲差人係返工,係唔會打你。

16:36 主持先問到不少演唱會、大型活動取消,阿澤先指:「如果喺內戰期間,如果香港人受到咁大嘅人為傷害,仲掛住有啲咩娛樂,未免太過涼薄。」阿叻問阿澤是否覺得香港是「內戰」的情況,阿澤指這一個「內戰」時候,有些人會覺得出街被人阻住。阿叻又說:「係一個悲劇,從未見過咁亂嘅香港,只睇到暴力,有咩結果都未知。」

16:30 阿澤與阿叻衣着一黑一白,他否認有襯衫:「佢係白衣人嘛,唔着白色着咩色。我冇咩嘢要準備。」問到會否講到激勵到爆粗?他指一指隔離(商業電台大樓)說︰「我喺隔離做咗8年,一句粗口都冇爆過,其實都冇乜嘢要準備,我係香港出世,係香港人嚟冇嘢要準備。我係大熱呀,所以買咗2百萬叻哥贏。」講,到茶餐廳都有直播時,阿澤自言可惜是沒有利益得着的人,因為自己沒有茶餐廳,他笑言不擔心激到阿叻拍枱走人︰「始終我有讀過書,讀到中五。GEL頭等樣贏咗先。」講到事前有否參考叻哥的表現時,他語帶相關說沒有︰「我好怕佢,好怕囉,好似啲人怕熱、怕鬼咁,怕真係冇解釋嘅。」

16:29 阿叻今日一落車就表示:「唔使狀態,傾偈有咩所謂。心情係自然,我係一個普通市民。」問到會否拍枱?他說:「呢啲唔知情況,冇得估。呢啲冇最壞亦冇最好打算,我係普通市民身份,見到香港咁亂,我希望代表到香港好驚、沉默嘅一群去聽對面睇法,因為我冇呢啲朋友,所以嚟吸收下,明辯大家睇法。」阿叻指沒有看過「網上賠率」。

16:15 全白造型的阿叻坐白色7人車在黃杏秀陪同下現身,由於傳媒爭相拍照,車內的阿叻表現有點不耐煩。阿澤同阿叻前後腳到港台,他乘坐銀灰座駕,以黑西裝現身,兩人一黑一白,分別接受傳媒訪問,賽前已經隔空交峰。

16:10 現場約十多名傳媒守候

15:55 杜汶澤在FB貼出自拍照,見他身穿黑色西裝,精神不錯,他留言:「多謝所有街上面遇到嘅市民、網上嘅留言、朋友嘅短訊,為我加油打氣,收到曬!今朝我阿媽話以我為榮,我願以榮光歸香港!」

(資料來源:網上截圖/連結)