【宣佈離巢】73歲劉江暗指無綫待薄老演員:或者覺得我哋唔重要

254

現年73歲的實力派劉江,今晚現身無綫《萬千星輝頒獎典禮2019》時,向傳媒自爆將在周二(14日)約滿離開無綫。在TVB工作30幾年的劉江,雖然沒有再續約,但就表明自己仍然有戲癮,不會退休,亦有人建議他繼續演戲,拍到攰就會休息。言下之意,似另有隱情,或因合約問題跟無綫談不攏而決意離巢。至於劉江今晚憑《金宵大廈》書店老闆林老師一角,獲提名角逐最佳男配角,不過劉江敗給《愛·回家之開心速遞》的24歲周嘉洛。

劉江晚上接受記者訪問,講到《金宵大廈》成績未如外界預期會否失望時,他說:「冇乜失望嘅,咁多年嚟頒獎禮係點樣,大家都心知肚明,有乜失望啫!我仲有兩日就同TVB完咗賓主關係,我今日係返嚟撐《金宵大廈》。」不少人對他離開TVB感到震驚,但劉江說:「都冇乜嘢震驚嘅,咁始終有呢日㗎嘛。」問離開原因,劉江說:「我喺呢度做咗咁多年,唔可以話TVB唔好嘅,而家佢(TVB)可能有啲轉變,我唔知佢哋轉變成點,或者佢哋覺得我哋唔重要,好難講。」似暗指無綫待薄老員工。

記者問他會否繼續演藝工作,若其他電視台邀約又會否合作?劉江說:「人哋邀我梗會做,我仲有團火喺度,人哋唔知以為我仲喺TVB度,啲人就未必會搵我,如果知道我唔喺TVB,咁可能會搵我。睇吓有冇戲做先,睇吓劇本。」究竟TVB有沒有挽留?劉江說:「我唔想講呢啲啦,大家都明白。」

劉江60年代擔任武術指導,其後加入「邵氏南國訓練班」,並開始拍電影及擔任配音工作,70年代效力佳藝電視。在佳視倒閉後轉投麗的,拍攝過《大地恩情之古都驚雷》、《浮生六劫》、《人在江湖》和《大俠霍元甲》等劇,直至1981年過檔無綫,拍過《射鵰英雄傳》、《阿德也瘋狂》、《鹿鼎記》、《拳王》、《真相》等劇,其中《大時代》中飾演黑幫頭目周濟生,更是劉江代表作之一。

(資料來源:網上截圖/連結)